15 Mars 2022
Ambasadori Norvegjez Jens Erik Grøndahl, Kryetari i Komunës së Prishtinës Përparim Rama dhe Drejtori Ekzekutiv i Grupit për Ballkan Naim Rashiti, nënshkruan Memorandum Mirëkuptimi.
Objektivi i këtij memorandumi është forcimi i kapaciteteve të kabinetit të kryetarit, rritja e efikasitetit, zbatimi më i mirë i prioriteteve dhe projekteve, rritja e bashkëpunimit me institucionet e tjera dhe reformat e tjera të ndërmarra nga kryetari.
Ky memorandum është nënshkruar si pjesë e projektit “Ngritja e agjendës së paqes dhe shtetndërtimit dhe avancimi i agjendës evropiane”, financuar nga Ambasada e Mbretërisë së Norvegjisë në Prishtinë.
